افضل نوع ارز للاراضي الصحراوية - معاملات زراعية وتوصات فنية للحصول علي اعلي محصول

 

 نوع الارز الذي يصلح زراعته في الأراضي الصحراوية 

جالنا سؤال من أحد متابعينا علي قناة الزراعة الحديثة  مزارع له ارض في منطقة صحراوية بيسأل ايه نوع الرز اللي يصلح زراعته في الأراضي الصحراوية 

احنا بنجاوب عليك و بنقول لحضرتك أن الدولة بتتجه نحو التوسع الأفقي في الزراعة و يتم زراعة الصحراء حاليا بمحاصيل استراتيجية زي محصول الرز و فيه أصناف جديدة مناسبة للتغيرات المناخية العالمية زي الصنف سخا سوبر 300 و سوبر 301 بيجود في الأراضي الصحراوية و بيتحمل الجفاف و الافضل منه الصنف جيزة 183 و عرابي 4 و هو لسه تحت التجريب.

 افضل نوع ارز للاراضي الصحراوية

 

و هقول لحضرتك علي إجراءات نتبعها لزراعة محصول الرز في الصحراء

1- اهتم بميعاد الزراعة الي بيكون من نصف ابريل الي شهر مايو 

2- اهم الاصناف يلي بتتزرع بالاراضي الرملية و الصحراء الصنف سوبر 300 و الصنف سوبر 301 وممكن جيزة 178 و جيزة 179 و جيزة 183 الجديد و الصنف عرابي 4 و هو لسه تحت التجريب وجايب نتائج ممتازة 

3- كمية التقاوي من 60 الي 65 كجم

4- تجهيز الأرض للزراعة: عن طريق اننا هنضيف من 15 الي 20 م³

سماد بلدي بالإضافة إلي 500 كجم جبس زراعي مضاف عليهم 200 كجم سوبر فوسفات محبب 12,5%

هيام حرث الأرض مرتين متعامدتين لتفكيك الأرض و خلط الأسمدة بالتربة 

و لو هنزرع بالسطارة اللي بتستخدم في زراعة القمح هنستخدم تقاوي بمعدل 60 كجم للفدان

و بيتم ضبطها علي مسافة 5سم و المسافة بين الصف و الاخر من 15 ال 20 سم و عنق البذور لا يزيد عن 3 سم 

و لو هنزرع بدار بيتم زراعة التقاوي بذرة جافة و بيتم التغطية بعمل سكة حرث بحيث مينزلش سن المحراث اكتر 3 سم 

و بنركب الزحافة أو الماسورة علشان نغطي التقاوي و نكبس التربة و نسوي الارض لتسهيل عملية الري 

و هنضيف بعد الزراعة بأسبوع سلفات زنك بمعدل 25 كجم/فدان

لان بعد تمام الزراعة بيظهر اعراض نقص الزنك علي النبات و بيساعد بردوا في زيادة الخلفات حول النباتات 

بعد كدا هيتم رش مانع انبات لبذور الحشائش مثل مبيد ستومب اكسترا بمعدل 1,5 لتر/فدان قبل الري مباشرة 

و خدمة الأرض بتبدأ بعد رية الزراعة اللي بيتم تشغيل الري بالرش إذا كان بالبيفوت بيتم ضبطه علي سرعة 40 و اذا كان الري بالرش الثابت تكون مدة الري لكل محبس أو فتحة كل 3 ساعات لإشباع التربة بالمياه للمساعدة علي انبات البذور لمدة 3 ايام 

و في اليوم الرابع بنعدل سرعة الري الي 50 أو 2 ساعة في الرش الثابت لمدة 3 ايام و يتم ايقاف الري في اليوم السابع للمساعدة علي النبات 

و في اليوم الثامن يتم الري و ضبط السرعة علي 70